Aankh se duur na ho...

Aankh se duur na ho dil se utar jaayegaa
Waqt kaa kyaa hai guzarataa hai guzar jaayegaa

Itanaa maanuus na ho Khilvat-e-Gam se apanii
Tuu kabhii Khud ko bhii dekhegaa to dar jaayegaa

Tum sar-e-raah-e-vafaa dekhate rah jaaoge
Aur wo baam-e-rafaaqat se utar jaayegaa

Zindagii terii ataa hai to ye jaanevaalaa
Terii baKhshiish terii dahaliiz pe dhar jaayegaa

Duubate duubate kashtii to ochhaalaa de don
Main nahiin koii to saahil pe utar jaayegaa

Zabt laazim hai magar dukh hai qayaamat kaa ‘Faraz’
Zaalim ab ke bhii na royegaa to mar jaayegaa...

Mohhabat ka ghum hota bahot hai..

Mohhabat ka ghum hota bahot hai
K ab ye lafz bhi ruswa bahot hai

Udasi ka sabab men Kia bataun
Gali kuchon mein sannata bahot Hai

Na milne ki qasam kha k bhi men ne..
Tujhe har rah mein dhunda bahot Hai

Ye ankhen aur Kya dekhen kisi ko
In ankhon ne tujhe dekha bahot Hai

Na Jane kyun bacha rakhe Hen aansu
Shayed mujhe rona bahot hai

Tujhe maloom to hoga mere humdum
Tujhe aik shakhs ne chaha bahot hai..!

Main apne honto parr....

Main apne honto par tujhe sajana chahta hun,
aa tujhe main gungunana chahta hun.

koi aansu tere daaman par gira kar,
boond ko moti banana chahta hun.

barh gayi is had tak be aitemaadi,
tujh ko tujhse bhi chupana chahta hun.

thak gaya mai karte karte yaad tujh ko,
ab tujh mei yaad aana chahta hun.

jo bana baaiss meri nakamio ka,
mai usi k kaam aana chahta hun.

phool se pekar to nikle be murawwat
ab mai patharon ko aazmaana chahta hun

reh gayi thi kuch kami ruswaaiyon mei,
phir Wooer us dar pe jaana chahta hun...